Ek is amper daar...

Ek dink al heeldag aan jou,
ek mis jou en wens ons was nou saam.
Maar hierdie werksdag is amper op sy rug,
dan gaan ek my vir ‘n rukkie met girl-talk bemoei,
voor ek my na jou teenwoordigheid haas.
Na die veiligheid en bekendheid van jou;
jou liefde en omgee vir my;
na jou arms waar ek tuis is;
soos in jou geselskap waar geen voorgee of aansit is.

Ek gaan my haas na waar ons –
ons vrese en vreugdes deel;
saam kook;
saam tv kyk en lag;
saam die dag in Sy naam afsluit;
en bymekaar rus tot die nuwe dag breek.